ფრანგულმა „ნანტმა“ ინგლისის პრემიერლიგის ბინადარ „კარდიფ სიტის“ ფიფაში უჩივლა. მიზეზი აწ გარდაცვლილი ემილიანო სალას ტრანსფერის ღირებულების დათქმულ ვადებში გადაუხდელობაა.

როგორც BBC იტყობინება, უელსურ გუნდს თანხის საწყისი ნაწილი 5 მილიონი გირვანქა სტერლინგი 5-დან 20 თებერვლის ჩათვლით უნდა გადაეხადა, თუმცა თანხა „ნანტის“ საბანკო ანგარიშზე არ ასახულა. მთლიანობაში კი ფრანგებმა არგენტინელი 15 მილიონ გირვანქა სტერლინგად გაყიდეს.

შეგახსენებთ, სალა ნანტიდან კარდიფში მიფრინავდა, როდესაც ლაინერმა კატასტროფ განიცადა. მის ცხედარს მხოლოდ რამდენიმე კვირის შემდეგ ლა მანშის სრუტეში მიაკვლიეს. ამ დრომდე დაკარგულად ითვლება პილოტი დევიდ იბოტსონი.