არგენტინის ეროვნული ნაკრების და "ბარსელონას" შემტევმა ლიონელ მესიმ "სევილიასთან" მოგებულ ლა ლიგის 25-ე ტურის მატჩის შემდეგ "რეალთან" მოახლოებულ შეხვედრაზე კომენტარი გააკეთა.

"ყოველი მატჩი ჩვენთვის მნიშვნელოვანია. ყველა ტურნირზე ვიბრძოლებთ. მადრიდის "რეალთან" სტუმრად მატჩი რთული იქნება, თუმცა გამარჯვება გვინდა." - ციტირებს El Chiringuito TV-ს ტვიტერის გვერდი.

ესპანეთის თასის ნახევარფინალური ეტაპის საპასუხო შეხვედრა "რეალსა" და "ბარსელონას" შორის 27 თებერვალს "სანტიაგო ბერნაბეუზე" გაიმართება. პირველი დაპირისპირება ფრედ 1:1 დასრულდა. "სევილიასთან" მოგებულ მატჩში კი მესიმ სამი გოლი გაიტანა და კარიერაში 50-ე ჰეთ-თრიკი შეასრულა.