გორის „დილაში“ ალვინ ფორტესი დაბრუნდა. როგორც შიდა ქართლელთა ვებგვერდი იტყობინება, ჰოლანდიელმა შემტევმა გუნდთან 2-წლიანი კონტრაქტი გააფორმა და „დილას“ ღირსებას 2020 წლის ბოლომდე დაიცავს.

ფორტესი „დილაში“ აქამდეც თამაშობდა და 14 მატჩში თავი 4 გოლითა და 3 საგოლე პასით გამოიჩინა.

ალვინ ფორტესი როტერდამში დაიბადა და საფეხბურთო კარიერა „ფეიენოორდის“ ახალგაზრდულ გუნდში დაიწყო. სხვა და სხვა დროს კი, „ვიტესის“ აკადემიაში, „ვალვაიკში“, „ბოლუსფორსა“ და „ბრნოში“ ირიცხებოდა.

ამავდროულად, კაპე ვერდეს მოქალაქეცაა და ამ ქვეყნის ეროვნულ ნაკრებში 1 მატჩი აქვს ჩატარებული.