ქართველმა კალათბურთელმა სანდრო მამუკელაშვილმა აშშ-ს კოლეჯების ლიგაში (NCAA) ორმაგი დუბლი შეასრულა, თუმცა, გუნდი მარცხისგან ვერ იხსნა.

სანდროს "სეთონ ჰოლი" "დეპოლთან" 93:97 დამარცხდა, სანდრომ კი 37 წუთში 12 ქულა, 10 მოხსნა (2 შეტევაში), 1 პასი, 2 ჩაჭრა და 3 დაფარება მოაგროვა. ქართველმა ფორვარდმა 5-დან 2 ორქულიანი, 3-დან 2 სამქულიანი და 2-ვე საჯარიმო ჩააგდო, ბურთი 2-ჯერ დაკარგა და 3 პერსონალური ფოლი მიიღო.

"სეთონ ჰოლს" ბიგ ისთის კონფერენციაში 3 მოგებითა და 4 მარცხით მე-7 ადგილი უკავია, მომდევნო მატჩს კი 27 იანვარს "ვილანოვასთან" ჩაატარებს.