ესპანელი ნახევარმცველი სესკ ფაბრეგასი „მონაკოს“ ღირსებას დაიცავს. აღნიშნული ინფორმაცია მონეგასკთა ვებგვერდმა ოფიციალურად დაადასტურა.

ფაბრეგასის სანაცვლოდ „მონაკომ“ „ჩელსის“ 10 მილიონი ევრო გადაუხადა და 3.5-წლიანი კონტრაქტი გაუფორმა. 31 წლის ესპანელი „არისტოკრატებში“ 2014 წლიდან თამაშობდა, მაგრამ მიმდინარე სეზონში ძირითად შემადგენლობაში იშვიათად ხვდებოდა და პრემიერლიგაში მხოლოდ 6 მატჩი ჩაატარა.

„მონაკო“ ლიგა 1-ში დასარჩენად იბრძვის და 18 ტურს შემდეგ 13 ქულით მე-19 ადგილზე იმყოფება.