სპორტის სასახლეში მიმდინარე საქართველოს 2019 წლის ჩემპიონატზე თავისუფალი და ბერძნულ-რომაული სტილით ჭიდაობაში წინასწარი ეტაპის და ნახევარფინალური შეხვედრები გაიმართა. მედლების გათამაშება კი ოთხდღიანი შეჯიბრების მეორე დღიდან დაიწყება - 11 იანვარს საპრიზო სამეულები სულ შვიდ წონაში შეივსება. თავისუფალ ჭიდაობაში 65, 79, 86 და 97 კილოგრამებში, ხოლო ბერძნულ-რომაულში – 55, 67 და 87 კილოგრამებში.

ფინალური წყვილები ასე დაკომპლექტდა:

ბერძნულ-რომაული ჭიდაობა

55 კგ.

ნუგზარ წურწუმია (ხობი) – ზურაბ მაჭარაშვილი (ოზურგეთი)

67 კგ.

საჩინო დავითაია (სენაკი) – მურად მიქელაძე (აჭარა)

87 კგ.

რობერტ კობლიაშვილი (გარდაბანი) – ზურაბ დათუნაშვილი (თბილისი)

თავისუფალი ჭიდაობა

65 კგ.

ედემი ბოლქვაძე (სამტრედია) – ამირან ვახტანგიშვილი (გორი)

79 კგ.

ნიკა კენჭაძე (ამბროლაური) – ტარიელ გაფრინდაშვილი (თბილისი)

86 კგ.

სანდრო ამინაშვილი (თბილისი) – ზაურ ბერაძე (ხარაგაული)

97 კგ.

ელიზბარ ოდიკაძე (თბილისი) – გივი მაჭარაშვილი (მცხეთა)

ფინალური ბლოკის შეხვედრები 17:00 საათზე დაიწყება. იქამდე კი, 11:00 საათზე, წინასწარი ეტაპის ბრძოლებში ჩაებმებიან ბერძენ-რომაელები 60, 72, 97 და 130 კილოგრამებში და თავისუფლები 61, 70 და 125 კილოგრამებში. 16:00 საათზე ამ წონებში ნახევარფინალები შედგება.