"დორტმუნდის" შემტევი ნახევარმცველი მარკო როისი გულშემატკივრებმა გერმანიის ეროვნული ნაკრების 2018 წლის საუკეთესო ფეხბურთელად დაასახელეს. აღნიშნული ინფორმაცია გერმანიის ფეხბურთის ფედერაციის ოფიციალურმა ვებგვერდმა გაავრცელა.

როისმა გამოკითხვაში ხმების 33.9% დააგროვა, მეორე ადგილზე კი იოზუა კიმიხი გავიდა (31%). მესამე პოზიცია "მანჩესტერ სიტის" ნახვერამცველმა ლეროი სანემ დაიკავა (10.3%).

2018 წელს როისმა ეროვნული ნაკრების მაისურით რვა შეხვედრაში მიიღო მონაწილეობა, გაიტანა ერთი გოლი და ორი საგოლე გადაცემა შეასრულა.