გამთენიისას ნაციონალური საკალათბურთო ასოციაციის ხუთი შეხვედრა გაიმართა.

„გოლდენ სტეიტი“ შინ „პორტლენდს“ დაუპირისპირდა და მოულოდნელად 109:110 დამარცხდა. მატჩი გარდამავალი უპირატესობით მიმდინარეობდა. ძირითადი დრო 102:102 დასრულდა. ოვერტაიმში გადამწყვეტი მატჩის დასრულებამდე 7 წამით ადრე დამიენ ლილარდის ჩაგდებული სამქულიანი გამოდგა. ბოლო წამზე დურანტმა ორქულიანი ააცილა. „გოლდენ სტეიტი“ 23 მოგებით და 13 წაგებით დასავლეთ კონფერენციაში მეორე ადგილზეა.

„საკრამენტო“ „ლეიკერსს“ დაუპირისპირდა. ლოს ანჯელესელები 116:114 მატჩის ბოლო წუთამდე იგებდნენ, თუმცა საფინალო სირანასთან ერთად „საკრამენტოს“ სერბმა უკანახაზელმა ბოგდან ბოგდანოვიჩმა შორეული სამქულიანი ჩააგდო და საკრამენტოელებს 117:116 მოაგებინა. მატჩში ყველაზე მეტი 33 ქულა კუზმას ანგარიშზეა. „საკრამენტოში“ 23 ქულით ბოგდანოვიჩი გამოირჩა. „ლეიკერსის“ ლიდერმა ლებრონ ჯეიმსმა საზარდული ტრავმის გამო შეხვედრა გამოტოვა.

„ჰიუსტონმა“ საკუთარ დარბაზში „ბოსტონი“ 127:113 დაამარცხა. ტეხასელებმა მატჩის სტარტზევე უპირატესობა მოიპოვეს, ბოსტონელებმა მასე შემდეგ მხოლოდ მესამე პერიოდში მოახერხეს წინ გასვლა, ისიც დროებით. ჯეიმს ჰარენმა 45 ქულა ჩააგდო. გამორჩეული იყო „ჰიუსტონის“ ცენტრი კაპელა, რომელმაც გუნდს 24 ქულა და 18 მოხსნა შესძინა. „ბოსტონში“ საუკეთესო ირვინგი გახლდათ, რომელმაც 23 ქულა, 11 პასი და 5 მოხსნა მიითვალა.

„ჰიუსტონი“ – „ბოსტონი“ 127:113 (35:24, 22:31, 35:31, 35:27)

https://www.youtube.com/watch?v=jm2UeklNAUE

„მილოუკი“ – „ნიუ იორკი“ 112:96 (24:28, 29:20, 34:29, 25:19)

https://www.youtube.com/watch?v=eDsjxAMOc5g

„საკრამენტო“ – „ლეიკერსი“ 117:116 (32:34, 29:33, 23:28, 33:21)

https://www.youtube.com/watch?v=hv-IB2vaI2I

„გოლდენ სტეიტი“ – „პორტლენდი“ 109:110 (28:27, 18:25, 25:23, 31:27 ო.ტ. 7:8)

https://www.youtube.com/watch?v=9CugWhkkNjE

„იუტა“ – „ფილადელფია“ 97:114 (29:22, 23:35, 27:38, 18:19)

https://www.youtube.com/watch?v=YAW8dD32UDs