ნაციონალური საკალათბურთო ასოციაციის ხუთი შეხვედრა გაიმართა.
დღის ცენტრალური მატჩი ოკლენდში გაიმართა, სადაც „გოლდენ სტეიტი“ მოულოდნელად „ლეიკერსთან“ 101:127 განადგურდა. „ლეიკერსი“ პირველი პერიოდის ბოლოს დაწინაურდა და მთელი შეხვედრა „მეომრები“ მდევრის როლში იყვნენ. მესამე პერიოდში ლებრონ ჯეიმსმა დრეიმონ გრინთან სათამაშო ეპიზოდში ტრავმა მიიღო. ფაქტია ჯეიმსი ტკვივილს განიცდიდა და შეხვედრა აღარ გააგრძელა. რამდენად სერიოზულია „მეფის“ ტრავმა ჯერჯერობით უცნობია. მატჩში ყველაზე მეტი 23 ქულა იგუადალას ანგარიშზეა. ლებრონ ჯეიმსმა ორმაგი დუბლი შეასრულა - 17 ქულა, 13 მოხსნა, 5 პასი და ერთი ჩაჭრა. „გოლდენ სტეიტი“ 23 მოგებით და 12 წაგებით დასავლეთ კონფერენციაში მეორე ადგილზეა, 20 მოგება და 14 მარცხი აქვს „ლეიკერსი“ ამავე კონფერენციაში მეოთხეზეა.
„ჰიუსტონმა“ საკუთარ დარბაზში „ოკლაჰომა“ 113:109 დაამარცხა. მატჩში გადამწყვეტი მეოთხე პერიოდი აღმოჩნდა. ტეხასელთა გამარჯვებაში ლომის წილი ჯეიმს ჰარდენმა დადო, რომელმაც გუნდს 41 ქულა, 7 პასი, 6 მოხსნა, 2 ჩაჭრა და ერთი ბლოკ-შოტი შესძინა. „ოკლაჰომაში“ პოლ ჯორჯი გამოირჩა, რომელსაც 28 ქულა და 14 მოხსნა ჰქონდა.
„ბოსტონი“ შინ „ფილადელფიას“ დაუპირისპირდა. შეხვედრა გარდამავალი უპირატესობით მიმდინარეობდა. მატჩის დასრულებამდე 19 წამით ადრე კაირი ირვინგმა 2-ქულიანი ჩააგდო და ანგარიში 108:108 გახადა. ძირითადი დროის ბოლო წამზე ჯეი ჯეი რედიკმა 2-ქულიანი გაუშვა, მაგრამ ბურთი კალათში არ ჩაეშვა და ოვერტაიმი დაინიშნა. დამატებით 5-წუთეულში გადამწყვეტი კაი ირვინგის ორი ჩაგდებული სამქულიანი აღმოჩნდა. ბოსტონელებმა 121:114 მოიგეს. მატჩის საუკეთესო მოთამაშე კაირი ირვინგი გახლდათ, რომელმაც გუნდს 40 ქულა და 10 მოხსნა შესძინა. „ფილადელფიაში“ ჯოელ ემბიდი 34 ქულით და 16 მოხსნით საუკეთესი იყო.
„ნიუ იორკი“ – „მილოუკი“ 95:109 (24:22, 22:26, 22:36, 27:25)
https://www.youtube.com/watch?v=xBiOgYGWYSk
„ჰიუსტონი“ – „ოკლაჰომა 113:109(22::22, 30:38, 34:28, 27:21)
https://www.youtube.com/watch?v=N62RXJktdzo
„ბოსტონი“ – „ფილადელფია“ 121:114(32:25, 25:26, 29:38, 22:19, ო.ტ. 13:6 )
https://www.youtube.com/watch?v=gAF1jFmC4l4
„გოლდენ სტეიტი“ – „ლეიკერსი“ 101:127 (25:32, 25:33, 32:26, 19:36 )
https://www.youtube.com/watch?v=dx4iqVqSGwM
„იუტა“ – „პორტლენდი“ 117:96 (24:24, 35:23, 24:23, 34:26 )
