იტალიის მოქმედმა ჩემპიონმა ტურინის „იუვენტუსმა“ ალექს სანდროს ახალი კონტრაქტი გაუფორმა. როგორც „ბებერი სინიორას“ ვებგვერდი იტყობინება, ბრაზილიელი ფეხბურთელი კლუბში 2023 წლის ზაფხულამდე დარჩება.

ალექს სანდრო „იუვენტუსში“ 2015 წლის ზაფხულში პორტუგალიური „პორტუდან“ გადაბარგდა და გუნდის ძირითად შემადგენლობაში ფეხი ადვილად მოიკიდა.

სანდრომ ტურინელთა რიგებში სკუდეტო 3-ჯერ მოიგო და ამდენჯერვე იტალიის თასი მოიგო. 134 შეხვედრაში ითამაშა, 9 გოლი გაიტანა და 18 საგოლე პასი მიითვალა.