მილანის „ინტერის“ ხელმძღვანელობა ერთობ შეშფოთებულა გუნდის ჩემპიონთა ლიგის პლეი ოფში ვერგასვლით და მწვრთნელის შეცვლაზეც დაფიქრებულან. - გვამცნობს Football Italia.

დარჩება თუ არა ლუჩანო სპალეტი თანამდებობაზე უკვე საეჭვოა. ერთი კია, სეზონის ბოლომდე, ალბათ ის მაინც იმუშავებს, მერე კი წყარო სამ სავარაუდო კანდიდატს ასახელებს: „იუვენტუსისა“ და „ჩელსის“ ყოფილ დამრიგებელ ანტონიო კონტეს, „ატლეტიოკოს“ თავკაც დიეგო სიმეონესა და „მანჩესტერ იუნაიტედის“ მოძღვარ ჟოზე მოურინიუს.

Tuttosport კი ამტკიცებს, რომ ამ სამიდან ყველაზე რეალური კანდიდატი კონტეაო, რომელსაც კლუბის უფროსობასთან კარგი ურთიერთობა ჰქონია.