საქართველოს ნაკრების ცენტრმა გიორგი შერმადინმა ისრაელთან მატჩის ოვერტაიმში გადამწყვეტი სროლა ჩააგდო და მატჩის გმირი გახდა. შეხვედრის დასრულების შემდეგ გიორგიმ განაცხადა, რომ იმ მომენტში ფრენაც შეეძლო.
„პირველ რიგში დიდი მადლობა გულშემატკივრებს, ვინც დარბაზში იყო და ვინც ტელევიზორიდან უყურებდა. ასევე, მინდა მწვრთნელებს მივულოცო ეს გამარჯვება. ჩვენ ვეთამაშეთ გუნდს, რომელსაც შანსი ჰქონდა და მოტივირებული იყო. თანაც, დაიმატა „მაკაბის“ კალათბურთელები, თუმცა დავამარცხეთ. რაც, ჩვენი ბრძოლისუნარიანობით და გულშემატკივრების მხარდაჭერით მოხდა. ასევე აღვნიშნავ, რომ ჩვენს დარბაზში ევროპაში ერთ-ერთისაუკეთესო ატმოსფეროა.
გადამწყვეტი ქულა? ძალიან ბენდიერი ვიყავი. ის მომენტი იყო, როდესაც ფრენაც შემეძლო. პირველი შთაბეჭდილება ის გახლდათ, რომ გავიფიქრე, თამაში მოვიგეთ. რა თქმა უნდა, ეს კომბინაცია დახაზული იყო და ამ სვლამ გაამართლა“, - თქვა შერმადინმა.
შეგახსენებთ, საქართველოს საკალათბურთო ნაკრებს 5 გამარჯვების წილ 5 მარცხი აქვს და მსოფლიოს ჩემპიონატზე გასვლის შანსს ჯერ კიდევ ინარჩუნებს. მომდევნო შეხვედრას კი 21 თებერვალს საბერძნეთთან სტუმრად ჩაატარებს.
