გერმანიის ბუნდესლიგის მე-13 ტურის შემდეგ ლიდერსა და მდევარს შორის ქულთა სხვაობა კიდევ უფრო გაიზარდა. „დორტმუნდმა“ თავისი შეხვედრა შაბათს მოიგო, ხოლო მისმა მდევარმა „გლადბახმა“ კვირას ჩაატარა მატჩი და წააგო.

დიტერ ჰეკინგის გუნდმა „ლაიფციგთან“ გასვლით შეხვედრაში ვერაფერი გააწყო. მატჩის გმირი ტიმო ვერნერი გახდა, რომელმაც პირველივე ტაიმში დუბლი გაახერხა და საკუთარ გუნდს მნიშვნელოვანი გამარჯვება მოუტანა. შედეგად, „ლაიფციგმა“ „გლადბახთან“ სხვაობა ქულამდე შეამცირა, ხოლო თვითონ ჰეკინგის გუნდი „დორტმუნდს“ უკვე 7 ქულით ჩამორჩა.

დღის კიდევ ერთ შეხვედრაში ფავორიტი დამარცხდა. ფრანკფურტში „აინტრახტმა“ „ვოლფსბურგს“ უმასპინძლა და სამი ქულის მოპოვებას გეგმავდა, მაგრამ არაფერი გამოუვიდა. ფრანკფურტელებმა ამ წაგებით ოთხეული დატოვეს.

„ლაიფციგი“ – „გლადბახი“ 2:0 (2:0)

გოლები: 1:0 ვერნერი (3), 2:0 ვერნერი (45)

„აინტრახტი“ – „ვოლფსბურგი“ 1:2 (0:1)

გოლები: 0:1 მეჰმედი (31), 0:2 გინჩეკი (68), 1:2 იოვიჩი (87)