ერთდღიანი შესვენების შემდეგ, ინგლისის დედაქალაქ ლონდონში დღეს გაგრძელდება მატჩი მსოფლიოს საჭადრაკო ჩემპიონის ტიტულისთვის, რომელშიც ერთმანეთს მაგნუს კარლსენი (ნორვეგია, 2835) და ფაბიანო კარუანას (აშშ, 2832) უპირისპირდებიან.

ფინალურ ორთაბრძოლაში უკვე 8 პარტია მიილია და ყველა მათგანი ყაიმით დასრულდა, დღეს კი, მე-9 პარტიაში თეთრებით კარლსენი ითამაშებს.
შეგახსენებთ, რომ ფინალი 12 კლასიკური პარტიისგან შედგება, საჭიროების შემთხვევაში კი, ტაი ბრეიკი 28 ნოემბერს გახლავთ დაგეგმილი.
შეხვედრის საპრიზო ფონდი 1 მილიონი ევროა, საიდანაც ჩემპიონი 60%-ს მიიღებს, ხოლო თუკი გამარჯვებული ტაი-ბრეიკზე გამოვლინდა, უძლიერესს 55% ერგება.