ლონდონის „ტოტენჰემის“ მთავარმა მწვრთნელმა მაურისიო პოჩეტინომ მადრიდის „რეალის“ გაწვრთნა იუარა. როგორც ბრიტანული გამოცემა Sun-ი იტყობინება, ხულენ ლოპეტეგის გათავისუფლების შემდეგ ფლორენტინო პერესის პირველი არჩევანი სწორედ არგენტინელი სპეციალისტი იყო.
პერესი მზად გახლდათ, რომ პოჩეტინოსთვის წელიწადში 18 მილიონი ევროც გადაეხადა, მაგრამ სამხრეთ ამერიკელმა ეს შეთავაზება უარყო და ლონდონში დარჩენა ამჯობინა.
შეგახსენებთ, „რეალს“ ამჟამად სანტიაგო სოლარი წვრთნის, რომლის ხელმძღვანელობით „სამეფო კლუბმა“ ორი შეხვედრა მოიგო.
