ჩემპიონთა ლიგის ჯგუფური ეტაპის მე-3 ტურის, „ინტერთან“ მატჩის წინ, „ბარსელონას“ გერმანელმა მეკარემ, მარკ-ანდრე ტერ შტეგენმა განაცხადა, რომ მისი კლუბი წლეულს ყველა ტურნირის მოგებას აპირებს.

„სეზონს იმ განწყობით ვიწყებთ, რომ ყველა ტურნირში გავიმარჯვოთ. შარშან მოხდა ის, რაც არ უნდა მომხდარიყო. რომში დავმარცხდით. მაგრამ საკუთარ შეცდომებზე უნდა ვისწავლოთ. ჩემპიონთა ლიგა ძალიან რთული ტურნირია. თუმცა, ჩვენ ყველგან წარმატებით თამაშს ვაპირებთ.

მესის არყოფნა? ცხადია, ის ძალიან მნიშვნელოვანი მოთამაშეა ჩვენთვის. მაგრამ რა გაეწყობა, ვეცდებით მის გარეშე დავამარცხოთ იტალიელები.“ - უთხრა ტერ შტეგენმა El Mundo Deportivo-ს.

„ბარსელონა“ – „ინტერის“ მატჩი დღეს თბილისის დროით 23 საათზე დაიწყება.