ინგლისური „ლივერპულის“ თავდამსხმელი რობერტო ფირმინო იურგენ კლოპთან მუშაობით კმაყოფილია. როგორც ბრაზილიელი ფეხბურთელი ამბობს, „წითლების“ წარმატება მთლიანად გერმანელი სპეციალისტის დამსახურებაა.
„სეზონი კარგად დავიწყეთ. გვინდა გავაგრძელოთ მუშაობა და გავიმარჯვოთ. კლოპთან მხოლოდ სამი წელია ვმუშაობ, მაგრამ მგონია, რომ უფრო დიდი ხანია ჩემი მწვრთნელია. ის საოცარი სპეციალისტია და ძალიან მომწონს მასთან მუშაობა. გუნდმა მისგან ძალიან ბევრი ისწავლა და ძლიერი გუნდი ჩამოაყალიბა“, - ციტირებს ფირმინოს სიტყვებს Sky Sports-ი.
აქვე გეტყვით, რომ „ლივერპული“ ინგლისის პრემიერლიგის მერვე ტურის ცენტრალურ მატჩში „მანჩესტერ სიტის“ უმასპინძლებს.
