მიუნხენის „ბაიერნის“ მთავარმა მწვრთნელმა ნიკო კოვაჩმა ბერლინის „ჰერტასთან“ (0:2) მარცხის შემდეგ კომენტარი გააკეთა. ხორვატი სპეციალისტის განცხადებით, ძნელია ასეთ წაგებას ახსნა მოუძებნო.

„მომენტების გამოუყენებლობა ერთ-ერთი მიზეზია, რის გამოც დავმარცხდით, მაგრამ გავუშვით ორი გოლი, რომელიც შეცდომებს მოჰყვა. პირველი პენალტით და ასეთი დარღვევები საჯარიმოში არ უნდა დავუშვათ, ხოლო მეორე ტაქტიკური შეცდომის შედეგად. ასეთ დონეზე შეცდომების გამო დაისჯები, თუმცა ნორმალური თამაში ჩავატარეთ.

რთულია ამ წაგების ახსნა. საჭიროა, რომ კრიტიკისგან თავი ავირიდოთ, ეს ხდება. ვინც „ბაიერნს“ იცნობს, იცის, რომ ყველაფერს გააკეთებს წარმატებების მოსაპოვებლად“, - განაცხადა კოვაჩმა.

შეგახსენებთ, რომ „ბაიერნმა“ ბოლო ორ შეხვედრაში მხოლოდ 1 ქულა მოიპოვა და ბუნდესლიგაში 13-13 ქულით ლიდერობას „ჰერტასთან“ ერთად იყოფს.