ქართველი ჩოგბურთელი გიორგი ცივაძე ყაზახეთის ქალაქ ჩიმკენტში მიმდინარე საერთაშორისო ტურნირში (საპრიზო ფონდი 15 ათასი დოლარი) ჩაება და თუკი ერთეულებში დამარცხდა, წყვილებში წარმატებას მიაღწია.

ცივაძე პირველ წრეში მე-4 ნომრად განთესილ რუს მიხაილ ფუფიგინს გაეჯიბრა და 4:6, 6:3, 3:6 წააგო. წყვილებში ქართველი ჩოგბურთელი ყაზახ გრიგორი ლომაკინთან ერთად მე-3 რეიტინგით თამაშობს. მათ ყაზახები ხასანოვი და ტაშბულატოვი 6:3, 6:3 დაამარცხეს და მეოთხედფინალებში ისევ ყაზახებს – ნარბეკოვსა და უსიპბეკოვს ეთამაშებიან.