ერთა ლიგის მატჩში ესპანეთმა მსოფლიოს ვიცე-ჩემპიონი ხორვატიის ნაკრები 6:0 გაანადგურა. ექვსბურთიანი სხვაობით ხორვატიის ნაკრებს არასდროს არ წაუგია, რაც ნაკრების ანტირეკორდია.

ესპანელებმა კარში 7-ჯერ დაარტყეს, ხოლო ხორვატებმა მხოლოდ ერთხელ. ბალკანელებმა ვერც ერთი კუთხური ვერ ჩააწოდეს. შეგვიძლია თამამად ვთქვათ, რომ ხორვატიამ ისტორიის მანძილზე ყველაზე ცუდი შეხვედრა ჩაატარა.

ხორვატიის ყველაზე დიდი გამარჯვება 2016 წელს დაფიქსირდა. ბალკანელებმა სან მარინო 10:0 დაამარცხეს.