ამერიკის ღია პირველობის დასრულების შემდეგ ATP-მ რეიტინგი განაახლა, რომელშიც ნიკოლოზ ბასილაშვილი 31-ე ადგილზეა. ეს შედეგი ქართველი ჩოგბურთელის კარიერაში საუკეთესოა.

ბასილაშვილმა US Open-ზე სამი ეტაპი გადალახა და 1/8 ფინალში რაფაელ ნადალთან 1:3 (3:6, 3:6, 7:6, 4:6) წააგო. ნიკამ ამ ტურნირზე 180 სარეიტინგო ქულა და 266 000 ამერიკული დოლარი გამოიმუშავა. შედეგად, რეიტინგში 1.322 ქულა გაუხდა და 6 პოზიციით დაწინაურდა.

რაც შეეხება საუკეთესო ათეულს - ლიდერი ისევ რაფაელ ნადალია, რომელსაც კვალში როჯერ ფედერერი უდგას. მესამე პოზიციაზე აღზევდა ამერიკის ღია პირველობის ტრიუმფატორი ნოვაკ ჯოკოვიჩი, ხოლო ხუან მარტინ დელ პოტრო 1 ადგილით დაქვეითდა.

ათეული ასეთია:

1. რაფაელ ნადალი - 8.760 ქულა

2. როჯერ ფედერერი - 6.900

3. ნოვაკ ჯოკოვიჩი - 6.445

4. ხუან მარტინ დელ პოტრო - 5.980

5. ალექსანდ ზვერევი - 4.890

6. მარინ ჩილიჩი - 4.715

7. გრიგორ დიმიტროვი - 3.755

8. დიმონიკ ტიმი - 3.665

9. კევინ ანდერსონი - 3.595

10. ჯონ ისნერი - 3.470

... 31. ნიკოლოზ ბასილაშვილი - 1.322