ქუთაისის "ტორპედო" ევროპა ლიგის მესამე საკვალიფიკაციაო ეტაპის პირველ შეხვედრას მიხეილ მესხის სახელობის სტადიონზე "კუკეშის" წინააღმდეგ მართავს და პირველი ტაიმის შემდეგ ანგარიში 4:1 გახლავთ.

მატჩში ანგარიში საქართველოს მოქმედმა ჩემპიონმა მეორე წუთზე გახსნა: გიორგი ქიმაძის გადაცემის შემდეგ გიორგი კუხიანიძემ გაიტანა გოლი. ამ უკანასკნელმა დუბლი მე-15 წუთზე შეასრულა. 22-ე წუთზე ჰარის ჰარბამ მარჯვენა ფლანგიდან მეკარეს შორეულ კუთხეში დაურტყა და ანგარიში შეამცირა. 28-ე წუთზე ლაზარ მარინმა კვლავ ორბურთიანი სხვაობა დააფიქსირა, ხოლო სამ წუთში ქიმაძემ ითამაშა ჩინებულად - 4:1.