მადრიდის "რეალმა" ოფიციალური განცხადება გააკეთა ნეიმართან დაკავშირებით და აღნიშნა, რომ კლუბი არ აპირებს ბრაზილიის ეროვნული ნაკრების და პსჟ-ს შემტევის დამატებას. ევროპულ მედიაში აქტიურად ვრცელდება ინფორმაცია, რომლის მიხედვითაც "სამეფო კლუბი" კრიშტიანუ რონალდუს წასვლის შემდეგ ნეიმარის გადაბირებას შეეცდება.
ნეიმარი პსჟ-ში გასულ წლის ზაფხულში გადავიდა და ხუთწლიანი კონტრაქტი გააფორმა. ბრაზილიელი ხელფასის სახით წელიწადში 37 მილიონ ევროს იღებს და "რეალის" განცხადებამდე AS-მა გაავრცელა ინფორმაცია, რომლის თანახმადაც პსჟ მზადაა მოთამაშეს 50 მილიონამდე გაუზარდოს გასამრჯელო, რათა კლუბში დარჩეს.
