ლოს ანჯელეს “გალაქსის” თავდამსხმელი ზლატან იბრაჰიმოვიჩი შვედეთის ნაკრების შესახებ საუბრობს. სკანდინავიელი ფეხბურთელის აზრით, მის თანამემამულეებს მსოფლიოს ჩემპიონობა შეუძლიათ.
“მე მართლა ვფიქრობ, რომ შვედეთს მსოფლიოს ჩემპიონატის მოგება შეუძლია, როგორც ეს ტურნირის დაწყებამდე ვთქვი. უკვე დაამარცხეს მექსიკა, რომელიც თითქოს მასზე ძლიერი იყო და შემდეგ შვეიცარია. ასეთი კარგი ნაკრები არავის უნახავს. მთელი ქვეყანა მათ გვერდითაა და არ აქვს მნიშვნელობა თუ რამდენად შორს არინ რუსეთიდან. შვედები ამაყობენ, რომ ასეთი ეროვნული ნაკრები ჰყავთ”, - განაცხადა იბრაჰიმოვიჩმა.
შეგახსენებთ, რომ შვედეთის ნაკრები მსოფლიოს მეოთხედფინალში 1994 წლის შემდეგ პორველად გავიდა და 7 ივლისს, ინგლისს დაუპირისპირდება. ზლატან იბრაჰიმოვიჩი კი, რომელსაც მუნდიალზე თამაშის სურვილი ჰქონდა შემადგენლობაში არ შეიყვანეს.
