ბრაზილიის ნაკრების ლიდერმა ნეიმარმა მიმდინარე მსოფლიოს ჩემპიონატზე საინტერესო რეკორდი დაამყარა. სამხრეთ ამერიკელ ვარსკვლავს აქამდე 360 წუთი აქვს ნათამაშები და აქედან 14 წუთი მინდორზე წაქცეულმა გაატარა.

გამოდის, რომ ჩატარებული წუთების 4% მან მინდორზე მხოლოდ იმის გამო გაატარა, რომ მეტოქეები ეუხეშნენ ან არ ეუხეშნენ...

საინტერესოა, რომ ნეიმარის წინააღმდეგ თამაშის წესი 4 შეხვედრაში 29-ჯერ დაირღვა და ამდენჯერ სხვა ფეხბურთელისადმი უხეშობა არ ყოფილა.