მაროკოს ეროვნული ნაკრების თავდამსხმელმა აზიზ ბუჰადუზმა ირანთან ავტოგოლი გაიტანა, რომელმაც თამაშის ბედი გადაწყვიტა – (0:1). მატჩის შემდგომ შემტევმა ფეხბურთელმა საკუთარ თავს იდიოტი უწოდა.

“მე ვარ იდიოტი! მრავალი წელია ფეხბურთს ვთამაშობ და ასეთი საშინელი დღე არ მახსენდება. იმედია გუნდი გაძლიერდება და ბრძოლას გააგრძელებს”, - აღნიშნა მაროკოელმა.

შეგახსენებთ, რომ “ლომები” 20 ივნისს პორტუგალიას, 25 ივნისს კი ესპანეთს დაუპირისპირდებიან.