„მანჩესტერ იუნაიტედის“ მთავარი მწვრთნელი - ჟოზე მოურინიო ფიქრობს, რომ მსოფლიო ჩემპიონატზე, A ჯგუფში რუსეთისა და ეგვიპტის მატჩს ჯგუფისთვის გადამწყვეტი მნიშვნელობა ექნება.

„ეგვიპტეს შეუძლია რუსეთს სერიოზული პრობლემები შეუქმნას. შესაძლოა, ეს ცოტა წინააღმდეგობრივად ჟღერდეს, მაგრამ ვფიქრობ, რუსები ბევრს ვერ გაიტანენ; მიუხედავად იმისა, რომ პირველ მატჩში ხუთჯერ აიღეს მეტოქის კარი. კარგ გუნდს ისინი ვერ გაუტანენ, მაგრამ არც სხვას მისცემენ საშუალებას ბევრჯერ გაუტანოს.

რაც შეეხება სალაჰს, ვერ ვიტყვი, რომ ის მსოფლიოში ყველაზე სწრაფი ფეხბურთელია, მაგრამ ერთ-ერთი ყველაზე სწრაფი ნამდვილადაა; როგორც ბურთით, ისე - უბურთოდ. მას შეუძლია ატაროს ბურთი, გაიჭრას თავისუფალ ზონებში... რუსებს მოუწევთ ახლო დაცვა ითამაშონ და დაკარგულ ბურთზე სწრაფად მოახდინონ რეაგირება. ეს მატჩი ამ ჯგუფისთვის გადამწყვეტი იქნება“ - ამბობს მოურინიო.