ეგვიპტის ნაკრების ლიდერი მოჰამედ სალაჰი სათამაშოდ მზადაა. აღნიშნული ინფორმაცია, აფრიკელთა მთავარმა მწვრთნელმა ექტორ რაულ კუპერმა გააჟღერა.

როგორც არგენტინელმა სპეციალისტმა მედიას განუცხადა, თითქმის გადაწყვეტილია, რომ სალაჰი ურუგვაისთან პირველივე ტურში ითამაშებს:

“სალაჰი კარგადაა, ძალიან სწრაფად გამოჯანმრთელდა. ვნახოთ, რა მოხდება დღეს, მაგრამ შემიძლია თითქმის დაგარწმუნოთ, რომ 100%-ით მოედანზე იქნება”, - თქვა კუპერმა.

შეგახსენებთ, რომ მოჰამედ სალაჰმა მხრის ტრავმა 26 მაისს მიიღო და მუნდიალზე მისი თამაში საეჭვო იყო. თუმცა, ეგვიპტელმა ტრავმის მორჩენა მოასწრო.