გერმანიის ბუნდესლიგის დასრულებამდე 1 ტური დარჩა. თუმცა, პასუხ გაუცემელი კითხვები ჯერ კიდევ ბევრია. 33-ე ტურმა მხოლოდ ის გაარკვია, რომ გელზენკირხენის “შალკე” ქვეყნის ვიცე-ჩემპიონი გახდა. დომენიკო ტედესკოს გუნდმა აუგსბურგში მოიგო და მეორე ადგილი გაიანღდა. “ხუმარებმა” “ბაიერნის” შემდეგ სეზონი მართლაც ყველაზე კარგად ჩაატარეს და ვერცხლის სინი არა, მაგრამ ვერცხლის მედლები დაიმსახურეს.

სამაგიეროდ, გაურკვეველია ჩემპიონთა ლიგაზე გამსვლელი სხვა გუნდების ვინაობა. ერთი ალბათ “დორტმუნდი” იქნება, რომელმაც მართალია შინ წააგო “მაინცთან”, მაგრამ საკმაოდ კომფორტულ ვითარებაშია. თავის მხრივ, “მაინცმა” ბუნდესლიგაში ადგილი ოფიციალურად შეინარჩუნა.

მეოთხე ადგილისთვის სამი გუნდი აცხადებს პრეტენზიას: “ჰოფენჰაიმი” “შტუტგარტთან” სტუმრად ვერაფერს (0:2), ხოლო “ლევერკუზენი” “ვერდერს” უგოლოდ დაშორდა და ორივეს 52-52 ქულა აქვთ. იქვეა “ლაიფციგი” (50 ქულით), რომელმაც შინ “ვოლფსბურგი” 4:1 დაამარცხა. “მგლები” ჯერაც პლეი-აუთის ზონაში იმყოფებიან და “ჰამბურგთან” უპირატესობა 2 ქულაა. ჩრდილოელებმა ზედიზედ მესამე თამაში ვეღარ მოიგეს ფრანკფურტში “აინტრახტს” ადვილად დანებდნენ – 0:3.

და ბოლოს, გავარდნილმა “კიოლნმა” ჩემპიონ “ბაიერნს” ტაიმი მოუგო, მაგრამ აბა, “რეკორდმაისტერი” ვის გაახარებს? “თხებმა” კარი ვერ გაიჯახუნეს, რადგან იუპ ჰაინკესის გუნდმა კიდევ ერთი თამაში მოიგო – 1:3.

“აუგსბურგი” – “შალკე” 1:2 (1:2)

გოლები: 0:1 კეჰრერი (23), 1:1 მაქსი (27), 1:2 კეჰრერი (34)

“დორტმუნდი” – “მაინცი” 1:2 (1:2)

გოლები: 0:1 ბაკუ (4), 0:2 მუტო (13), 1:2 ფილიპი (16)

“გლადბახი” – “ფრაიბურგი” 3:1 (1:0)

გოლები: 1:0 აზარი (18), 2:0 ელვედი (57), 2:1 კლეინდიენსტი (59), 3:1 დრმიჩი (64)

“აინტრახტი” – “ჰამბურგი” 3:0 (1:0)

გოლები: 1:0 ვოლფი (31), 2:0 მასკარელი (77), 3:0 მეიერი (90)

“კიოლნი” – “ბაიერნი” 1:3 (1:0)

გოლები: 1:0 ზულე (30, ა.გ), 1:1 ხამესი (59), 1:2 ლევანდოვსკი (61), 1:3 ტოლისო (78)

“ჰანოვერი” – “ჰერტა” 3:1 (3:0)

გოლები: 10 ჰარნიკი (4), 2:0 სანე (40), 3:0 ფოლკრუგი (42), 3:1 ზელკე (73)

“ლაიფციგი” – “ვოლფსბურგი” 4:1 (2:0)

გოლები: 1:0 ლუკმანი (24), 2:0 ვერნერი (34), 2:1 დიდავი (47), 3:1 ლუკმანი (52), 4:1 ოგუსტინი (63)

“შტუტგარტი” – “ჰოფენჰაიმი” 2:0 (1:0)

გოლები: 1:0 გომესი (25), 2:0 გომესი (74)

“ვერდერი” – “ლევერკუზენი” 0:0 (0:0)