ინგლისური “ლივერპულის” მთავარი მწვრთნელი იურგენ კლოპი “რომასთან” საპასუხო შეხვედრის წინ კომენტარს აკეთებს. გერმანელის თქმით, მისი გუნდი კარგ მდგომარეობაშია და ფინალში გასვლის დიდი შანსი აქვს.

“თუ არ ვცდები, ჩემპიონთა ლიგაზე “რომას” სახლში გოლი არ გაუშვია. არ შემიძლია ვთქვა, რომ ჯერ კიდევ ფინალში ვართ, მაგრამ ჩვენი სიტუაცია ნამდვილად კარგია. ჩვენ ვითამაშებთ შესანიშნავ ქალაქსა და სტადიონზე, ძალიან კარგი გუნდის წინააღმდეგ”, - განაცხადა კლოპმა.

შეგახსენებთ, რომ ამ გუნდებს შორის პირველი შეხვედრა “ლივერპულმა” 5:2 მოიგო. დღევანდელი მატჩი კი თბილისის დროით 22:45 საათზე დაიწყება.