ინგლისური “მანჩესტერ სიტი” ზაფხულში შემადგენლობის გასაძლიერებლად 1 მილიარდი გირვანქა სტერლინგის დახარჯვას აპირებს. ამის შესახებ “ქალაქელთა” მთავარმა მწვრთნელმა პეპ გვარდიოლამ განაცხადა, რომელმაც ჟურნალისტის კითხვას ხუმრობით უპასუხა.
“ნუ ღელავთ, ზაფხულის სატრანსფერო ფანჯრის დროს ბევრ ფულს დავხარჯავთ. დაახლოებით 1 მილიარდ გირვანქა სტერლინგს. შეგახსენებთ, როგორი კრიტიკა შეხვდა “ჩელსის” საჩემპიონო სეზონის შემდეგ. ყოველი სეზონი ახალი ფურცლიდან იწყება და რამდენიმე ფეხბურთელის დამატება აუცილებელია”, - უთხრა გვარდიოლამ ESPN-ს.
შეგახსენებთ, რომ “მანჩესტერ სიტიმ” ამ სეზონში პრემიერლიგა დიდი უპირატესობით მოიგო, მაგრამ ჩემპიონთა ლიგაზე წარმატებას ისევ ვერ მიაღწია.
