ტურინის “იუვენტუსის” მცველი ჯორჯო კიელინი მიმდინარე სეზონში ვეღარ ითამაშებს. ეს ინფორმაცია “ბებერი ქალბატონის” მთავარმა მწვრთნელმა მასიმილიანო ალეგრიმ “ინტერთან” მატჩისწინა პრესკონფერენციაზე დაადასტურა.
“ჯორჯო კიელინისთვის სეზონი დასრულდა”, - უთხრა ჟურნალისტებს ალეგრიმ.
შეგახსენებთ, კიელინიმ კუნთის ტრავმა “ნაპოლისთან” მატჩში მიიღო. მიმდინარე სეზონში 33 წლის ფეხბურთელმა ყველა ტურნირის ჩათვლით 38 მატჩი ჩაატარა, მაგრამ გოლი არ გაუტანია.
