უეფას ჩემპიონთა ლიგის მეოთხედფინალურ მატჩს ტურინის “იუვენტუსსა” და მადრიდის “რეალს” შორის, თურქ მსაჯთა ბრიგადა განსჯის.

მთავარი არბიტრი ჩიუნეთ ჩაქირი იქნება, ხოლო ასისტენტობას ბაჰატინ დურანი და ტარიკ ონგუნი გაუწევენ. მეოთხე მსაჯის მოვალეობას კი მუსტაფა ემრე ეისოი შეასრულებს.

ჩიუნეთ ჩაქირი 2015 წელს, “ბარსელონასა” და “იუვენტუსის” ფინალური მატჩის მსაჯი იყო. “რეალის” მონაწილეობით კი, ყველაზე ცნობილ შეხვედრას 2013 წელს წარუძღვა, როდესაც “სამეფო კლუბმა” “ოლდ ტრაფორდზე” “მანჩესტერი” დაამარცხა.