საქართველოს ნაკრების ნახევარმცველმა ჯანო ანანიძემ მარჯვენა მუხლზე ოპერაცია გაიკეთა. მოსკოვის “სპარტაკის” ვებგვერდის ინფორმაციით, ქართველ ფეხბურთელს ქირურგიული ჩარევა რომის კლინიკა, “ვილა სტიუარტში” ჩაუტარდა და ოპერაციას, რომელსაც გართულება არ მოჰყოლია, პროფესორი პიერ-პაოლო მარიანი ხელმძღვანელობდა.
ჯანო იტალიის დედაქალაქს უახლოეს მომავალში ისევ ესტუმრება, რეაბილიტაციის პროცესში. წინასწარი ინფორმაციით, 25 წლის ფეხბურთელი 6 თვე ვერ ითამაშებს.
შეგახსენებთ, რომ ჯანო ანანიძემ მუხლის ჯვარედინი იოგები ლიტვასთან მატჩში დაიზიანა.
