"ტორპედო" და "ლოკომოტივი" - სხვადასხვა დონე

პირველი ბურთი ლევან კუტალიამ მიითვალა, რომელმაც მეკარე რევაზ თევდორაძის შეცდომის შემდეგ, დამატებაზე დაასწრო გიორგი გაბაძეს და ახლოდან გაიტანა. ტაიმის ბოლოს კი თორნიკე კაპანაძემ 25-27 მეტრიდან ცხრიანში გაგზავნა ბურთი - 2:0.

მეორე ნახევარში ლევან კუტალიამ ტექნიკური დარტყმით დუბლი გაიფორმა, ხოლო მეოთხე გოლი "ტორპედოს" ფეხბურთელებს არ გაუტანიათ - "ლოკოს" თავდამსხმელ ვატო არველაძეს თავით საკუთარ კარში აეჭრა ბურთი. ეს კუთხურის ჩაწოდებას მოჰყვა.

"ტორპედოს" 6 ქულა დაუგროვდა, " ლოკომოტივს" კი ცუდად აქვს საქმე - სამი მატჩი, სამი წაგება.

ეროვნული ლიგა. მესამე ტური

ქუთაისი. რამაზ შენგელია

ტორპედო (ქუთაისი) - ლოკომოტივი (თბილისი) 4:0

გოლები: 1:0 კუტალია (37), 2:0 კაპანაძე (45), 3:0 კუტალია (63), 4:0 არველაძე (80 საკ.კარში)