ტურინის “იუვენტუსის” ვიცე-პრეზიდენტმა პაველ ნედვედმა ჩემპიონთა ლიგის მეოთხედფიანლური ეტაპის წილისყრა შეაფასა. ჩეხის განცხადებით, გულშემატკივარს ორი შესანიშნავია შეხვედრა ელოდება.

“ორი შესანიშნავი თამაში იქნება. ვიცით, რომ “რეალს” ვეთამაშებით, რომელიც ძალიან კარგ ფორმაში და ჩინებული შანსი აქვს ზედიზედ მესამედ მოიგოს ჩემპიონთა ლიგა. რთული მატჩები გველოდება, მაგრამ ჩვენ “იუვენტუსი” ვართ. კარდიფში 45 წუთი კარგად ვითამაშეთ, თუმცა ამჯერად სხვა სიტუაციაა.

ბენატია და პიანიჩი პირველ მატჩში დისკვალიფიკაციის გამო ვერ დაგვეხმარებიან და ადვილი არ იქნება მათ გარეშე თამაში. მაგრამ ყველა შეხვედრა 0:0-დან იწყება. კარგია, რომ პირველ შეხვედრას ტურინში ჩავატარებთ.

ერთი თამაში ყოველთვის რთულია, მაგრამ ორ მატჩში უფრო მეტი შანსი არსებობს. "რეალი" ყველაზე რთული მეტოქეა, მაგრამ ეს ნორმალურია, რადგან ჩვენ ჩემპიონთა ლიგის მეოთხედფინალზე ვსაუბრობთ”, - განაცხადა ნედვედმა.

“იუვენტუსი” “რეალს” ტურინში 3 აპრილს უმასპინძლებს, ხოლო საპასუხო შეხვედრა მადრიდში გაიმართება 11 აპრილს.