მადრიდის “რეალს” ლუკა მოდრიჩი და ტონი კროოსი ტრავმებით გამოწვეული პაუზის შემდეგ დაუბრუნდნენ და პსჟ-სთან ჩემპიონთა ლიგის მერვედფინალის საპასუხო მატჩში მონაწილეობას მიიღებენ. ორივე ნახევარმცველი “სამეფო კლუბის” განაცხადშია.

“რეალის” სამატჩო განაცხადი ასეთია:

კეილორ ნავასი, კიკო კასილია, ლუკა ზიდანი, დანი კარვახალი, ხესუს ვალეხო, სერხიო რამოსი, რაფაელ ვარანი, ნაჩო ფერნანდესი, მარსელო, ტეო ერნანდესი, აშრაფ ჰაკიმი, ტონი კროოსი, ლუკა მოდრიჩი, კაზემირო, მარკოს ლორენტე, მარკო ასენსიო, ისკო, მატეო კოვაჩიჩი, დანი სებალიოსი, კრიშტიანუ რონალდუ, ქარიმ ბენზემა, გარეთ ბეილი, ლუკას ვასკესი, ბორხა მაიორალი.

შეგახსენებთ, რომ პსჟ – “რეალის” მატჩი 6 მარტს გაიმართება. ესპანელებს პირველი შეხვედრა 3:1 აქვთ მოგებული.