კომპანია "m2 უძრავი ქონება" საფეხბურთო კლუბ "თელავის" სპონსორი გახდა. m2-ის გენერალურმა დირექტორმა ირაკლი ბურდილაძემ და "თელავის" გენერალურმა დირექტორმა ირაკლი ვაშაკიძემ შეთანხმებას ხელი დღეს მოაწერეს. ღონისძიებას საქართველოს ფეხბურთის ფედერაციის პრეზიდენტი ლევან კობიაშვილი და ქალაქ თელავის მერი შოთა ნარკელიშვილი ესწრებოდნენ.

m2-ის მიზანია თელავის საფეხბურთო კლუბს ახალი ტალანტების აღზრდის და ეროვნულ ლიგაში დაწინაურების საქმეში დაეხმაროს.

"მოხარულები ვართ, რომ საფეხბურთო კლუბ "თელავის" გენერალური სპონსორები გავხდით. m2-სთვის მნიშვნელოვანია სპორტული კერების ხელშეწყობა. მოგეხსნებათ, ჩვენ აქტიურად შევდივართ სასტუმროების ბიზნესში და გვსურს ეს მიმართულება საქართველოს მასშტაბით განვავითაროთ. მათ შორის, საინტერესო გეგმები გვაქვს კახეთში, კერძოდ კი თელავში. ჩვენი პოლიტიკიდან გამომდინარე, ყველგან სადაც პროექტს ვახორციელებთ, ვცდილობთ სარგებელი მოვიტანოთ და დღევანდელი სიახლეც ამის დადასტურებაა" - განაცხადა m2-ის გენერალურმა დირექტორმა ირაკლი ბურდილაძემ.

"თელავის" ახალ სასპონსორე ხელშეკრულებაზე, ფეხბურთის ფედერაციის პრეზიდენტმა, ლევან კობიაშვილმაც ისაუბრა: "მნიშვნელოვანია კერძო სექტორის ჩართულობა ფეხბურთში. ეს ჩვენი გუნდისთვის ერთ-ერთი პრიორიტეტული თემაა, ბევრს ვმუშაობთ ამისთვის და დღევანდელი დღეც ამის დასტურია"- თქვა სფფ-ის პრეზიდენტმა.

erovnuliliga.ge