საქართველოს ეროვნული ნაკრების კალათბურთელმა ნიკოლოზ ცქიტიშვილმა ავსტრიასთან დაპირისპირებამდე კომენტარი გააკეთა. მისი თქმით აღნიშნულ მატჩში გამარჯვებას დიდი მნიშვნელობა აქვს და ამისათვის ყველანი მზად არიან.

“დღეს მეორე შეკრებაა ჩვენთვის და უკეთესად გამოვიყურებით. ბიჭები ერთმანეთთან შეთამაშებულები ვართ. ძალიან დიდი მნიშვნელობა აქვს ამ თამაშს, რადგან უფრო რეალური შანსი ალბათ ავსტრიასთან გვაქვს. რა თქმა უნდა გერმანიასთანაც მოსაგები თამაში გვაქვს, თუმცა ავსტრია უნდა დავამარცხოთ. ისინი გამოირჩევიან მაღალი მოთამაშეებით – ცენტრებით, რამდენიმე მართლაც კარგი მოთამაშე ჰყავთ, მაგრამ ვფიქობ, რომ ჩვენ მზად ვართ”, - განაცხადა ცქიტიშვილმა.

შეგახსენებთ, რომ ავსტრიისა და საქართველოს მატჩი 23 თებერვალს, თბილისის დროით 21:00 საათზე გაიმართება.