ესპანურმა “სევილიამ” პირადი რეკორდი დაამყარა. საქმე ისაა, რომ “დალაქებმა” 2017 წელს “რამონ სანჩეს პისხუანზე” არ წააგეს და პირველად მოხდა, რომ წელი ისე ჩაამთავრეს, ერთხელაც არ დამარცხებულან საკუთარ მოედანზე.

ედუარდო ბერიცოს გუნდმა 2017 წელს სევილიაში 26 მატჩი ჩაატარა, 17 მოიგო, ხოლო 9 შეხვედრა ფრედ დასრულდა. აქვე გეტყვით, რომ ანდალუზიელებმა ბოლოს “პისხუანზე” 2016 წლის 22 ნოემბერს, “იუვენტუსთან” წააგეს (1:3).

“სევილია” სახლში მომდევნო შეხვედრას დამდეგი წლის 6 იანვარს, თანაქალაქელი “ბეტისის” წინააღმდეგ ჩაატარებს.