"მანჩესტერ სიტის" მთავარმა მწვრთნელმა პეპ გვარდიოლამ პრესკონფერენციაზე განაცხადა, რომ ზამთრის სატრანსფერო პერიოდში კლუბმა რამდენიმე ტრანსფერი უნდა განახორციელოს, რადგან გუნდს დაცვის ხაზის გაძლიერება სჭირდება.
"ჩვენ ამაზე ვფიქრობთ. დაცვის ხაზში ცოტა ფეხბურთელი გვყავს და ყველა ტურნირზე ასეთი კონტიგენტით წარმატების მიღწევა გაგვირთულდება. კლუბის დირექტორთან ერთად იანვარში შევხედავთ რისი გაკეთება შეგვეძლება." - განაცხადა ესპანელმა სპეციალისტმა.
"მანჩესტერ სიტი" პრემიერლიგას 46 ქულით ლიდერობს და მეორე ადგილოსან "მანჩესტერ იუნაიტედს" 11 ქულით უსწრებს. ჩემპიონთა ლიგის მერვედფინალში კი "ქალაქელების" მეტოქე "ბაზელი" იქნება.
