ტურინის “იუვენტუსის” მეკარე ჯანლუიჯი ბუფონმა, შესაძლოა, კარიერის დასრულება გადაიფიქროს. ამის შესახებ იტალიური გამოცემა Mediaset-ი იტყობინება. როგორც წყარო გვამცნობს, ჯიჯი საფეხბურთო კარიერის ერთი წლით გაგრძელებაზე ფიქრობს.

ეს, იმ შემთხვევაში მოხდება, თუ “იუვენტუსი” მას დარჩენას და მუდმივ სათამაშო პრაქტიკას შესთავაზებს. გარდა ამისა, თავად ბუფონმა ცოტა ხნის წინ განაცხადა, რომ ჩემპიონთა ლიგის მოგების შემთხვევაში კარიერას 2018 წელს არ დაასრულებდა.

შეგახსენებთ, აქამდე გავრცელებული ინფორმაციით, ბუფონი საფეხბურთო კარიერის დასრულებას მიმდინარე სეზონის ბოლოს აპირებს.