იტალიური “სასუოლოს” კაპიტანი პაოლო კანავარო, რომელიც ლეგენდარული იტალიელი მცველის, ფაბიოს უმცროსი ძმა გახლავთ, სოციალურ ქსელში სკანდალურ წერილს აქვეყნებს.

“ბიჭებო, მსოფლიოს ჩემპიონატის გარეშე დღეს არ დავრჩენილვართ. მსოფლიოს ჩემპიონატი ჩვენ 15 წლის წინ დავკარგეთ, როდესაც იტალიაში მთელი მსოფლიოდან ნაგვები ჩამოვიდნენ და ახალგაზრდა იტალიელების ადგილი დაიკავეს.

ჩვენ მათ მივეცით ფული და დიდება. და ეს ყველაფერი იმ იტალიელი მწვრთნელების წყალობით, რომლებიც დღესაც მსოფლიოში საუკეთესოები არიან. იმედია, დღეიდან დაიწყება იტალიური ფეხბურთის გამოღვიძება. ჩვენი ფეხბურთი მუმიებმა უნდა დატოვონ და მათ ნაცვლად იტალიელ ნიჭიერ ფეხბურთელებს მიეცეთ სათამაშო დრო.

ვამაყობ უდიდესი ბუფონის გამო – ვიმედოვნებ, რომ შენი ცრემლები ჩვენს ფეხბურთში უკანასკნელია”, - წერს ინტაგრამზე კანავარო.

ცალსახაა, რომ “სასუოლოს” კაპიტანის წერილში სერია A-ს გუნდებში მოჭარბებული ლეგიონერები იგულისხმებოდა. რაც დრო გადის, იტალიურ გუნდებში იტალიელი ფეხბურთელი უფრო ნაკლებად ჩნდებიან...