არგენტინის ნაკრების თავდამსხმელმა პაულო დიბალამ თანაკლუბელ გონსალო იგუაინის შესახებ ისაუბრა. დიბალა მიიჩნევს, რომ იგუაინი “ალბისელესტეს” რიგებში უნდა თამაშობდეს.
“გონსალო მსოფლიოს ჩემპიონატზე თამაშზე ოცნებობს. ხალხსაც იგივე სურს – იგუაინი არგენტინის ნაკრებში რომ იყოს. სინამდვილეში მას არაფერი აქვს დასამტკიცებელი, რადგან დიდი ფეხბურთელია და ყველაფერი აქვს, რომ არგენტინის ნაკრებში ითამაშოს”, - განაცხადა დიბალამ.
შეგახსენებთ, არგენტინის ნაკრებში ხორხე სამპაოლის მისვლის შემდეგ, გონსალო იგუაინი “ალბისელესტეს” რიგებში ვეღარ ხვდება. მიმდინარე სეზონში “პიპიტამ” “იუვენტუსის” რიგებში 17 თამაში ჩაატარა და 9 გოლის გატანა მოახერხა.
