კატალონიის “ბარსელონა” “ლივერპულის” ბრაზილიელი ნახევარმცველის ფილიპე კოუტინიოს გადაბირებას კვლავ განაგრძობს.

ესპანური მედიის ინფორმაციით 25 წლის მოთამაშე კატალონიურ კლუბში ზამთრის სატრანსფერო პერიოდში 80 მილიონ ევროდ უნდა გადასულიყო, თუმცა Diario Sport-ის ინფორმაციით ბრაზლიელის ფასი 50%-ით გაიზარდა და “ბარსას” მისი ყიდვა 120 მილიონ ევროდ შეეძლება.

აღსანიშნავია, რომ კოუტინიოს ტრანსფერით მადრიდის “რეალიც” დაინტერესდა და “სამეფო კლუბი” მზად არის მასში 135 მილიონი ევრო გადაიხადოს.

მიმდინარე სეზონში კოუტინიოს ანგარიშზე 2 გოლი და 1 საგოლე გადაცემაა.