იტალიური “რომას” მთავარმა მწვრთნელმა ეუსებიო დი ფრანჩესკომ “ჩელსისთან 3:0 გამარჯვების შემდგომ განაცხადა, რომ ეს იყო დიდი გამარჯვება გუნდისთვის და “ჯალოროსის” ყველა გულშემატკივრისთვის.

“არ მიკვირს – მე ვიცოდი, რომ შეგვეძლო მოწინააღმდეგისათვის პრობლემები შეგვექმნა. ჩვენს წინაშე ძალიან ძლიერი გუნდი თამაშობდა. მე დიდი გუნდი ჩავიბარე ლუჩიანო სპალეტისგან და ეს არის დიდი გამარჯვება, მაგრამ მთავარი წინ გველის.

მინდა მივულოცო ჩემს მოთამაშეებს და ყველა გულშემატკივარს. ამ გამარჯვების შემდეგ უნდა მოვიპოვოთ მათი ნდობა, თუმცა ეს ჯერ კიდევ დასაწყისია და არ მინდა ვინმე შეცდომაში შევიყვანო”, - განაცხადა იტალიელმა.

შეგახსენებთ რომ ამ გამარჯვებით “რომამ” ჯგუფში ლიდერობა მოიპოვა - 4 მატჩის შემდგომ 8 ქულა დაააგროვა.