პოლონეთის ექსტრაკლასას მე-13 ტურში პლოცკის “ვისლამ” საკუთარ მოედანზე “სლასკი” გაანადგურა – 4:1. აღნიშნულ გამარჯვებაში თავისი წვლილი შეიტანა გიორგი მერებაშვილმაც.

ქართველმა შემტევმა 34-ე წუთზე მეკარეს შორეულ დაბალ კუთხეში ლამაზი გოლი გაუტანა და ანგარიში გამანადგურებელი გახადა – 3:0.

გიორგიმ შეუცვლელად ითამაშა, ხოლო მიმდინარე სეზონში 13 შეხვედრაში 2 გოლის გატანა მოახერხა. “ვისლას” ამ დროისთვის 20 ქულა აქვს და მეხუთე ადგილზე იმყოფება.