ზაზა ფაჩულიას “გოლდენ სტეიტი” გასვლაზე “მემფის გრიზლთან” 111:101 (VIDEO) დამარცხდა. ზაზა სასტარტო ხუთეულში იმყოფებოდა და პარკეტზე 12 წუთი დაჰყოდა. ამ დროში ფაჩულია გუნდს ვერც ერთი ქულა ვერ შესძინა, ფარს ორჯერ უშედეგოდ შეუტია. ქართველმა ცენტრმა 6 მოხსნა და ორი ჩაჭრა დააგროვა.

რაც შეეხება უშუალოდ შეხვედრას, მატჩში გადამწყვეტი მესამე პერიოდი აღმოჩნდა, რომელიც "დათვებმა" 32:20 მოიგეს. მატჩში ყველაზე მეტი 37 ქულა სტეფ კარიმ ჩააგდო. მარკ გასოლმა ორმაგი დუბლი შეასრულა 34 ქულა და 14 მოხსნა. კევინ დურანს 29 ქულა და 13 მოხსნა ჰქონდა.

“გოლდენ სტეიტს” სეზონის სტარტი ცუდი გამოუვიდა, გუნდს ერთი მოგება და ორი მარცხი აქვს. მომდევნო შეხვედრას “მეომრები” გასვლაზე “დალას მავერიკსთან” გამართავს, მატჩი 24 ოქტომბერს თბილისის დროით 04:30 საათზე გაიმართება.