პრემიერლიგის მერვე ტურის მეორე სათამაშო დღეს გამართული ორივე შეხვედრა ფრედ დასრულდა. “ბრაიტონმა” საკუთარ მოედანზე “ევერტონი” მიიღო და გამარჯვება ხელიდან ბოლო წუთზე გაუშვა.

მატჩის მთავარი მოვლენები უკანასკნელ ათ წუთში განვითარდა: 82-ე წუთზე კნოკერტმა სტუმართა მცველების ძალიან უყურადღებო თამაშით ისარგებლა და ანგარიში გახსნა, ხოლო 89-ე წუთზე “ევერტონმა” პენალტის დარტყმის უფლება მოიპოვა, რომელიც უეინ რუნიმ გოლად აქცია – 1:1.

ორივე კლუბს რვა-რვა ქულა აქვთ.

“საუთჰემპტონი” “სენტ მერი სთედიუმზე” “ნიუკასლს” დაუხვდა და ოთხგოლა ფრე ეთამაშა. მე-20 წუთზე ჰეიდენმა შორეული დარტყმით ანგარიში გახსნა და ტაიმი სტუმართა გამარჯვებით დასრულდა. მეორე ნახევარი კი “წმინდანებმა” აქტიურად დაიწყეს და 49-ე წუთზე მანოლო გაბიადინიმ, ინდივიდუალური ოსტატობის ხარჯზე გაათანაბრა. ორ წუთში აიოზე პერესმა კიდევ ერთხელ დააწინაურა “კაჭკაჭები”, ხოლო 75-ე წუთზე გაბიადინიმ პენალტი შეასრულა ზუსტად, დუბლი გაიფორმა და საბოლოო ანგარიში დააფიქსირა – 2:2.

“საუთჰემპტონი” 9 ქულით მე-10 ადგილზეა, ხოლო “ნიუკასლი” 11 ქულით მე-9 პოზიციას იკავებს.

ბრაიტონი – ევერტონი 1:1 (0:0)

ბრაიტონი, “ფალმერ სთედიუმი”

ბრაიტონი (4-4-1-1): რაიანი, დაფი (ჰანემეიერი 73), დანკი, სალტორი, სუტნერი, სტეფენსი, პროპერი, მერჩი (იზკუერდო 73), კნოკერტი, გროსი, მურეი (ბრაუნი 85).
მწვრთნელი: კრის ჰიუტონი

ევერტონი (4-4-2): პიკფორდი, იაგიელკა, კინი, ჰოლგეიტი, ბეინსი (მირალაში 84), შნეიდერლენი, გაიე (ნიასე 69), სიგურდსონი, ვლასიჩი, კალვერტ-ლეუინი, რუნი (ტ.დევისი 90).
მწვრთნელი: რონალდ კუმანი

გოლები: 1:0 კნოკერტი (82), 1:1 რუნი (90 პენ.)
გაფრთხილებები: პროპერი, დანკი, კნოკერტი, სალტორი – მირალაში
მსაჯი: მაიკლ ოლივერი

საუთჰემპტონი – ნიუკასლი 2:2 (0:1)

საუთჰემპტონი, “სენტ მერი სთედიუმი”

საუთჰემპტონი (4-2-3-1): ფორსტერი, ვან დეიკი, იოშიდა, სოარეში, ბერტრანი, ლემინა, რომეუ (ს.დევისი 67), ტადიჩი, გაბიადინი, რედმონდი (ბუფალი 57), ლონგი (ოსტინი 82).
მწვრთნელი: რონალდ კუმანი

ნიუკასლი (4-2-3-1): ელიოტი, ლასკელესი, ლეიუნი, იედლინი, მანკილიო, ჰეიდენი, შელვი, ა.პერესი (მერინიო 63), ატსუ (მერფი 82), რიტჩი, ხოსელუ (გაილი 68).
მწვრთნელი: რაფაელ ბენიტესი

გოლები: 0:1 ჰეიდენი (20), 1:1, 2:2 გაბიადინი (49; 75 პენ.), 1:2 ა.პერესი (51)
გაფრთხილებები: გაბიადინი – იედლინი, ჰეიდენი
მსაჯი: კევინ ფრენდი