“ბილბაომ” გამოცდილ ნახევარმცველს ბენიატ ეჩებერიას კონტრაქტი გაუხანგრძლივა. ბასკური კლუბის ოფიციალური ვებგვერდის ცნობით, 30 წლის ფეხბურთელი “სან მამესზე” 2020 წლის 30 ივნისამდე დარჩება.

ბენიატი “ბილბაოში” 2013 წელს “ბეტისიდან” 8 მილიონ ევროდ გადავიდა. მან ამ დროის განმალობაში “ლომების” მაისური 165-ჯერ მოირგო და 8 გოლი გაიტანა. მიმდინარე სეზონში კი 9 შეხვედრის ჩატარება მოასწრო და 1 საგოლე გადაცემა მიითვალა.